Tejasswi Prakash and Karan Kundra: ટેલિવિઝન સ્ટાર તેજસ્વી પ્રકાશ અને કરણ કુંદ્રા સૌથી લવિંગ કપલમાંથી એક બની ગયા છે. તેમની પ્રેમ કહાની બિગ બોસ 15ના સેટ પર શરૂ થઈ હતી. ત્યારથી આ જોડી અકબંધ રહી છે. આ વર્ષે તેના લગ્નની ચાલી રહેલી અફવાઓ વચ્ચે નાગિન-6ની અભિનેત્રીએ તાજેતરમાં તેના સંબંધો વિશે ખુલાસો કર્યો, જેમાં કરણ સાથેના તેના લિવ ઈનનો પણ સમાવેશ થાય છે.
‘અમારા પરિવારને સંપૂર્ણ વિશ્વાસ હતો’
એક ઈન્ટરવ્યૂમાં વાતચીત દરમિયાન તેજસ્વીએ ખુલાસો કર્યો કે, ‘મારા માતા-પિતા ઈચ્છતા હતા કે, હું અને કરણ સાથે રહીએ. ખાસ કરીને મારા બ્રેકઅપ પછી કારણ કે, તેઓ માનતા હતા કે હું ખૂબ જ ચંચળ છું. અમારા પરિવારને સંપૂર્ણ વિશ્વાસ હતો કે, હું અને કરણ સાથે રહીએ છીએ અને મારા માતા-પિતાને પણ. આ સંપૂર્ણ લિવ-ઈન રિલેશનશિપ નથી. હું મુંબઈકર છું અને મુંબઈમાં મારું ઘર પણ છે. તેથી જ્યારે પણ મારા ઘરની નજીક શૂટિંગ હોય છે, ત્યારે હું ત્યાં જ રહું છું.’
‘જ્યારે પણ મારે મુંબઈમાં કામ હોય ત્યારે હું ઘરે જ રહું છું’
આ ઉપરાંત તેણે વધુ વાત કરતાં કહ્યું કે, ‘જ્યારે પણ મારે મુંબઈમાં કામ હોય ત્યારે હું ઘરે જ રહું છું. મારુ એક ઘર બાંદ્રામાં તેમજ બીજુ ગોરેગાંવમાં છે. જો મને ફિલ્મ સિટીમાં કામ હોય તો હું મારા ઘરે જ રહું છું. જો તે બાંદ્રાની નજીક હોય તો પહેલા હું મારા ઘરે રહેવાનું પસંદ કરું છું. અમે બન્ને અમારા માતા-પિતા સાથે એકબીજાના ઘરે રહેતા હતા. કરણ મારા ઘરમાં મારા માતા-પિતા સાથે રહે છે અને હું તેના ઘરમાં તેના માતા-પિતા સાથે રહું છું.’
મમ્મી-પપ્પાએ કહ્યું હતું કે, ‘લગ્ન પહેલા લિવ ઈનમાં રહેજે’
તેજસ્વીએ કહ્યું, ‘સૌથી મહત્ત્વની વાત એ છે કે, પરિવાર ખુશ છે કે અમે એકબીજાને જાણવાનો પ્રયાસ કરી રહ્યા છીએ. મારા માતા-પિતાએ પોતે જ મને લગ્ન પહેલા લિવ-ઈન રિલેશનશિપમાં રહેવાનું કહ્યું છે. મને લાગે છે કે લગ્ન પહેલાં પુરુષ સાથે રહેવું ખૂબ જ મહત્ત્વપૂર્ણ છે. તમે જેની સાથે પણ લગ્ન કરો છો, પહેલાં તેની સાથે રહો, તમને વધુ સમજાશે.