Gold Price Today: યુએસ રાષ્ટ્રપતિ ડોનાલ્ડ ટ્રમ્પ દ્વારા કેનેડા, મેક્સિકો અને ચીન પર નવા ટેરિફની જાહેરાત કર્યા પછી આંતરરાષ્ટ્રીય બજારમાં અનિશ્ચિતતા વધી ગઈ, જેના કારણે રોકાણકારો સુરક્ષિત સંપત્તિ તરફ વળ્યા. વધતા વેપાર તણાવને કારણે ડોલર પર દબાણ આવ્યું અને રોકાણકારો સુરક્ષિત સંપત્તિ તરીકે સોના તરફ વળ્યા છે. જેના કારણે તેના ભાવમાં વધારો થયો છે.
વધુમાં, ચીન અને કેનેડા દ્વારા યુએસ ટેરિફનો જવાબ આપવાની જાહેરાતથી પણ બજારમાં અસ્થિરતા વધી, જેના કારણે સોનાની માંગમાં વધારો થયો છે.
આજે ૫ માર્ચ ૨૦૨૫ ના રોજ સોનાના ભાવમાં વધારો થયો હતો. ૧૦ ગ્રામ સોનાના ભાવમાં ૭૦૦ રૂપિયાનો વધારો થયો છે. બુધવારે, દેશના મુખ્ય શહેરોમાં 24 કેરેટ સોનાનો ભાવ 87,200 રૂપિયાની આસપાસ અને 22 કેરેટ સોનાનો ભાવ 80,100 રૂપિયાની ઉપર ટ્રેડ થઈ રહ્યો છે. એક કિલો ચાંદીનો ભાવ 96,800 રૂપિયાના સ્તરે છે.
દિલ્હીમાં 22 કેરેટ સોનાનો ભાવ 10 ગ્રામ દીઠ 80,260 રૂપિયા હતો. દિલ્હીમાં 24 કેરેટ સોનાનો ભાવ 87,540 રૂપિયા પ્રતિ 10 ગ્રામ પર યથાવત છે. મુંબઈમાં, 22 કેરેટ સોનાનો ભાવ 80,110 રૂપિયા અને 24 કેરેટ સોનાનો ભાવ 87,390 રૂપિયા પ્રતિ 10 ગ્રામ પર ટ્રેડ થઈ રહ્યો છે. 5 માર્ચ 2025 ના રોજ દેશના 4 મોટા શહેરોમાં સોનાના ભાવ અહીં જાણો.
5 માર્ચ, 2025 ના રોજ ચાંદીનો ભાવ ૯૬,૮૦૦ રૂપિયા પ્રતિ કિલો હતો. ગઈકાલની સરખામણીમાં આજે ચાંદીના ભાવમાં 100 રૂપિયાનો ઘટાડો થયો છે. ગઈકાલે ચાંદીનો ભાવ 98,900 રૂપિયા હતો.
ભારતમાં સોનાના ભાવ ઘણા કારણોસર બદલાય છે જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું ફક્ત રોકાણનું સાધન નથી, પરંતુ તે આપણી પરંપરાઓ અને તહેવારોનો એક મહત્વપૂર્ણ ભાગ પણ છે. ખાસ કરીને લગ્ન અને તહેવારો દરમિયાન તેની માગ વધે છે.