Teacher Eligibility : હવે દેશની યુનિવર્સિટીઓમાં ત્રણ પ્રકારના શિક્ષકો સેવાઓ આપશે. જેમાં બે પ્રકારના નિયમિત શિક્ષકો અને એક પ્રકારના હંગામી શિક્ષકો હશે. હંગામી શિક્ષકનો કાર્યકાળ 3 વર્ષનો રહેશે. નિયમિત શિક્ષકોમાં UGC NET પરીક્ષામાં હાજર રહેલા તેમજ નિષ્ણાત સ્નાતકોનો સમાવેશ થશે, જેમના માટે UGC NET અથવા PhD ફરજિયાત રહેશે નહીં.
નવી શિક્ષણ નીતિ મુજબ નિયમોમાં ફેરફાર થશે
નવી શિક્ષણ નીતિ અનુસાર, યુનિવર્સિટી ગ્રાન્ટ્સ કમિશન (યુજીસી) નિયમોમાં ફેરફાર કરી રહી છે જે આગામી શૈક્ષણિક વર્ષથી લાગુ થશે. NEP માં, વિદ્યાર્થીઓને ઉચ્ચ ગુણવત્તાયુક્ત શિક્ષણ, સમાનતા અને ઉપલબ્ધતા પ્રદાન કરવાની જોગવાઈ કરવામાં આવી છે. આ અંતર્ગત વિદ્યાર્થીઓને આગામી 20 થી 40 વર્ષમાં રોજગારની બદલાતી માંગના આધારે તૈયાર થવું પડશે.
એક સાથે બે ડિગ્રીનો અભ્યાસ
વિદ્યાર્થીઓને ગ્રેજ્યુએશનમાં એક સાથે બે ડિગ્રી મેળવવાની મંજૂરી આપવામાં આવશે. કૌશલ્ય આધારિત અભ્યાસક્રમો ઉમેરવામાં આવી રહ્યા છે. પ્રોજેક્ટ અને ફિલ્ડ વર્ક, ઇન્ટર્નશિપ પર ફોકસ રહેશે. વિદ્યાર્થીઓ એક વિષયના અભ્યાસની સાથે અન્ય કોઈપણ વિષયમાં ઈન્ટર્નશિપ કરી શકશે. ઉદાહરણ તરીકે, અર્થશાસ્ત્રનો અભ્યાસ કરતા વિદ્યાર્થીઓ ઇન્ટર્નશિપ માટે હોસ્પિટલો પણ પસંદ કરી શકે છે. આમાં દર્દીની સંભાળ અને વ્યવસ્થાપનના વિષયને આવરી લેવામાં આવશે.
આ રીતે બનશો શિક્ષક
યુનિવર્સિટીમાં હવે શિક્ષક બનવા માટે એક જ વિષયમાં યુજી, પીજી અને પીએચડીની બાધ્યતા નહી રહેશે. પીએચડીની ડિગ્રી આસિસ્ટન્ટ પ્રોફેસરથી એસોસિએટ અને પ્રોફેસર સુધીના પદોન્નતિ માટે જરૂરી રહેશે. યોગ, ડ્રામા, ફાઇન આર્ટ્સ વગેરે ક્ષેત્રોમાં નિપુણતા ધરાવનાર સ્નાતક પણ આસિસ્ટન્ટ પ્રોફેસર બની શકે છે. તેમના માટે યુજીસિ નેટ અથવા પીએચડીની ડિગ્રી જરૂરી નહી હશે, પરંતુ રાષ્ટ્રીય સ્તરના એવોર્ડની આવશ્યકતા રહેશે. વિવિધ ઔદ્યોગિક ક્ષેત્રો માટેના વિશેષજ્ઞો પણ યુનિવર્સિટીઓમાં 3 વર્ષ સુધી શિક્ષક બનીને સેવા આપી શકે છે.
નવા નિયમોમાં વિદ્યાર્થીઓની સુવિધાઓ પર ધ્યાન
નવા નિયમોમાં તમામ પ્રકારની વિદ્યાર્થીઓની સુવિધાઓને ધ્યાનમાં રાખવામાં આવી છે, જેથી તેઓ અભ્યાસને બોજ ન ગણે. જે વિદ્યાર્થીઓમાં શીખવાની અને સમજવાની ક્ષમતા ઓછી હોય છે તેઓને તેમની સગવડતા અને પસંદગી મુજબ તેમની ડિગ્રી મોડેથી મેળવવાની મંજૂરી આપવામાં આવશે, જ્યારે 10 ટકા વિદ્યાર્થીઓ જે ઝડપથી શીખે છે અને સમજે છે તેમને તેમની ડિગ્રી વહેલી પૂરી કરવાની મંજૂરી આપવામાં આવશે.