Top 10 Countries With Highest Salaries in Europe: જ્યારે પણ દુનિયાના સૌથી ધનિક દેશોની વાત કરવામાં આવે છે ત્યારે તેમાં યુરોપિયન દેશોનો ઉલ્લેખ ચોક્કસથી થાય છે. યુરોપ એ વિશ્વનો સૌથી આધુનિક ભાગ છે, જ્યાં વૈભવી ઇમારતો અને સમૃદ્ધ સંસ્કૃતિનો અજોડ સંયોજન જોઈ શકાય છે. લંડન જેવા મોટા શહેરો અને પ્રાગ જેવા સુંદર શહેરો પણ છે. જો કે, શું તમે વિચાર્યું છે કે યુરોપના કયા દેશોમાં લોકોને સૌથી વધુ પગાર મળે છે? કયા દેશો છે જ્યાં લોકો સૌથી વધુ પૈસા કમાય છે?
યુરોપમાં કયા દેશમાં સૌથી વધુ પગાર મળે છે? યુરોપમાં સરેરાશ પગાર કેટલો છે? આવા પ્રશ્નો વારંવાર લોકોના મનમાં આવે છે. હવે આ સવાલોના જવાબ પણ સામે આવ્યા છે. યુરોસ્ટેટે એક નવો ડેટા જાહેર કર્યો છે, જે જણાવે છે કે 2023માં યુરોપના વિવિધ દેશોમાં લોકોનો પગાર કેટલો હતો. આ મુજબ યુરોપિયન યુનિયનમાં લોકોની સરેરાશ સેલેરી 37,863 યુરો હતી. ભારતીય રૂપિયામાં તે 33.50 લાખ રૂપિયા છે.
યુરોપમાં સૌથી વધુ પગાર ધરાવતા દેશો કયા છે?
યુરોસ્ટેટના ડેટા અનુસાર, બલ્ગેરિયામાં સૌથી ઓછો પગાર મળી રહ્યો છે, જ્યાં લોકોની સરેરાશ વાર્ષિક આવક 13,503 યુરો (આશરે રૂ. 12 લાખ) છે. સૌથી વધુ પગાર આપતો દેશ લક્ઝમબર્ગ છે. અહીંના લોકોની સરેરાશ વાર્ષિક સેલેરી 81,064 યુરો (લગભગ 72 લાખ રૂપિયા) છે. લક્ઝમબર્ગ સિવાય અન્ય પાંચ દેશોમાં પણ એડજસ્ટેડ એવરેજ સેલરી 50,000 યુરો (આશરે રૂ. 44 લાખ)થી ઉપર રહી. આ દેશો છે: ડેનમાર્ક, આયર્લેન્ડ, બેલ્જિયમ, ઓસ્ટ્રિયા અને જર્મની.
ફિનલેન્ડ, સ્વીડન અને ફ્રાન્સમાં પગાર પણ યુરોપિયન યુનિયનની સરેરાશ કરતા વધારે છે. કુલ નવ દેશોમાં યુરોપિયન યુનિયનની સરેરાશ કરતાં વધુ વેતન હતું. બીજી તરફ, 17 દેશોમાં પગાર યુરોપિયન યુનિયનની સરેરાશ કરતાં ઓછો હતો. સૌથી ઓછો પગાર ધરાવતા દેશોમાં, બલ્ગેરિયા પછી હંગેરી (16,895 યુરો), ગ્રીસ (17,013 યુરો), રોમાનિયા (17,739 યુરો), પોલેન્ડ (18,054 યુરો) અને સ્લોવાકિયા (19,001 યુરો) આવે છે. આ તમામ દેશોમાં સરેરાશ વાર્ષિક પગાર 20,000 યુરોથી ઓછો છે. ઇટાલી અને સ્પેનમાં વાર્ષિક પગાર આશરે 32,500 યુરો છે, જે EU સરેરાશ કરતા ઓછો છે.
યુરોપમાં ટોચના 10 સૌથી વધુ પગાર ધરાવતા દેશો
લક્ઝમબર્ગ (81,064 યુરો)
ડેનમાર્ક (67,604 યુરો)
આયર્લેન્ડ (58,679 યુરો)
બેલ્જિયમ (57,989 યુરો)
ઑસ્ટ્રિયા (54,508 યુરો)
જર્મની (50,988 યુરો)
ફિનલેન્ડ (48,391 યુરો)
સ્વીડન (44,619 યુરો)
ફ્રાન્સ (42,662 યુરો)
સ્લોવેનિયા (33,081 યુરો)