Salman Khan On Death Threat: લૉરેન્સ બિશ્નોઈની ધમકીઓ પર સલમાન ખાનની પ્રતિક્રિયા, “જેટલી ઉંમર લખી છે એટલી…”

એવામાં જ્યારે સલમાનને પૂછવામાં આવ્યું કે શું તે પોતાની સુરક્ષાને લઈને ચિંતિત છે, તો સલમાને આકાશ તરફ ઈશારો કરીને કહ્યું, ‘ભગવાન, અલ્લાહ બધા ઉપર છે. જેટલી ઉંમર લખી છે, એટલી લખી છે. બસ આ જ છે. ક્યારેક ક્યારેક આટલા બધા લોકોને સાથે રાખીને જવું પડે છે બસ આ જ સમસ્યા છે.’

આ ધમકીઓથી ડરી ગયો છે સલમાનનો પરિવાર

ઉલ્લેખનીય છે કે છેલ્લા ત્રણ વર્ષમાં સલમાન ખાન અને તેના પરિવાર અને મિત્રો પર લૉરેન્સ બિશ્નોઈ ગેંગનો ખતરો મંડરાઈ રહ્યો છે. આ પહેલા સલીમ ખાનને મોર્નિંગ વોક દરમિયાન ધમકીભર્યો પત્ર મળ્યો હતો. ત્યારબાદ સલમાનના ઘર અને ફાર્મ હાઉસની રેકી કરવામાં આવી હતી અને સલમાનના ઘરે ફાયરિંગ કરવામાં આવ્યું હતું. આ ઘટનાઓથી સુપરસ્ટારનો પરિવાર ડરી ગયો છે.

સલમાન ખાનની પાછળ કેમ પડી છે લૉરેન્સ બિશ્નોઈ ગેંગ?

અભિનેતાએ ‘હમ સાથ સાથ હૈ’ના શૂટિંગ દરમિયાન કથિત રીતે એક કાળા હરણને મારી નાખ્યું હતું. જેના કારણે કાળા હરણને માન આપતો બિશ્નોઈ સમુદાય આ ઘટનાથી ખૂબ જ દુઃખી થયો હતો. આ કારણે જ તે સલમાન ખાનને વારંવાર ધમકી આપે છે.