Vadodara MGVCL Protest: રાજ્યભરના મોટી સંખ્યામાં બેરોજગાર યુવાનો વડોદરા ખાતે આવેલી એમજીવીસીએલની ઓફિસ બહાર તંત્રના બહેરા કાને અવાજ પહોંચાડવા ભૂખ હડતાલ પર ઉતરીને ભારે સૂત્રોચાર કરી રહ્યા છે.
ઉલ્લેખનીય છે કે એમજીવીસીએલમાં અગાઉ 800 જેટલી જગ્યાઓ ખાલી હતી. આ અંગે લેવાયેલી પરીક્ષા અને ઇન્ટરવ્યૂમાં રાજ્યભરના વિવિધ જિલ્લામાંથી કેટલાય બેરોજગાર યુવકો જરૂરી કાર્યવાહીમાં ખરા ઉતર્યા હતા. ત્યારબાદ અત્યાર સુધી આવા બેરોજગાર યુવકોને નોકરી પર લેવાયા નથી. જેથી રાજ્યભરના અનેક બેરોજગાર યુવકો અગાઉ પણ વીજ કંપનીની ઓફિસે એકત્ર થઈને ધારણા સહિત સૂત્રોચારમાં જોડાયા હતા ત્યારે તંત્ર દ્વારા આવા બેરોજગાર યુવકોને સાંત્વના આપવામાં આવી હતી. પરંતુ ત્યારબાદ કોઈ કાર્યવાહી નહીં થતા આજે ફરી એકવાર રાજ્યભરના અનેક બેરોજગાર યુવકો એમજીવીસીએલ ની ઓફિસે એકત્ર થયા હતા અને ભારે સૂત્રોચારથી તંત્ર સુધી તેમની માંગ પહોંચાડવા ભૂખ હડતાલ પર બેઠા હતા.