વડાલા-પટિયા નજીકના પુલ પર ઘટના
ગુજરાતમાં છેલ્લા કેટલાક સમયથી ચોરી અને લૂંટના બનાવોમાં નોંધપાત્ર વધારો થયો છે. મંગળવારે ખેડા-અમદાવાદ હાઇવે પર વડાલા પાટિયા પાસેના પુલ પર 1 કરોડ રૂપિયાની લૂંટનો બનાવ પ્રકાશમાં આવ્યો છે. અનાજના વેપારી પાસેથી કારમાં આવેલા ચાર લોકોએ 1 કરોડ રૂપિયા લૂંટી લીધા બાદ પોલીસે ફરાર લૂંટારુઓની તપાસ શરૂ કરી છે.
પ્રાપ્ત માહિતી અનુસાર, મંગળવારે (21 જાન્યુઆરી) ના રોજ ખેડાના વડાલા નજીકના પુલ પર કારમાં આવેલા કેટલાક બદમાશોએ ફિલ્મી સ્ટાઇલમાં લૂંટ ચલાવી હતી. અનાજના વેપારી પાસેથી 1 કરોડ રૂપિયા લૂંટીને લૂંટારુઓ ભાગી ગયા. નડિયાદ બેંકમાંથી પૈસા ઉપાડીને વેપારી રિક્ષામાં અમદાવાદ જઈ રહ્યો હતો. આ દરમિયાન લૂંટની ઘટના બની. આ લૂંટ ઇકો-કારમાં મુસાફરી કરી રહેલા ચાર લોકોએ કરી હતી.