NIA બંગાળ પોલીસની FIR વિરુદ્ધ કલકત્તા હાઈકોર્ટ પહોંચી
કોલકાતા, 09 એપ્રિલ. નેશનલ ઇન્વેસ્ટિગેશન એજન્સી (NIA) એ મંગળવારે પશ્ચિમ બંગાળના ભૂપતિનગરમાં દરોડા પાડવા ગયેલા તેના અધિકારીઓ સામે પોલીસમાં દાખલ કરવામાં આવેલી FIRને રદ કરવા માટે કોલકત્તા હાઇકોર્ટનો સંપર્ક કર્યો હતો.
અરજીમાં NIA અધિકારીઓ સામે પશ્ચિમ બંગાળ પોલીસ દ્વારા લેવામાં આવતી કોઈપણ શિક્ષાત્મક કાર્યવાહીથી વચગાળાના રક્ષણની પણ માંગ કરવામાં આવી છે. NIAના વકીલ અરુણ કુમાર મોહંતીએ કહ્યું કે ન્યાયમૂર્તિ જય સેન ગુપ્તાએ NIAને આજે લંચ બ્રેક પછી તેમની કોર્ટમાં અરજી દાખલ કરવાની મંજૂરી આપી. આ પછી NIAએ જસ્ટિસ ગુપ્તાની કોર્ટમાં અરજી દાખલ કરી છે.
શનિવારે પૂર્વ મેદિનીપુર જિલ્લાના ભૂપતિનગરમાં NIA અધિકારીઓ પર ટોળા દ્વારા કથિત રીતે હુમલો કરવામાં આવ્યો હતો, જેમાં એક અધિકારી ઘાયલ થયો હતો. આ અધિકારીઓ ડિસેમ્બર 2022ના બ્લાસ્ટ કેસના સંબંધમાં બે લોકોની ધરપકડ કરીને પરત ફરી રહ્યા હતા. ડિસેમ્બર 2022માં થયેલા આ વિસ્ફોટમાં ત્રણ લોકોએ જીવ ગુમાવ્યા હતા. ભૂપતિનગરમાં NIA અધિકારીઓની ફરિયાદના આધારે FIR નોંધવામાં આવી હતી. આ ઉપરાંત, કેટલાક ગ્રામજનોની ફરિયાદ પર NIA અધિકારીઓ સામે પણ કેસ શરૂ કરવામાં આવ્યો હતો. આ ગ્રામજનોએ NIA અધિકારીઓ પર ચોરી અને એક મહિલા સાથે યૌન શોષણનો આરોપ લગાવ્યો છે.