કાનપુર (યુપી), 4 ફેબ્રુઆરી: ઉત્તર પ્રદેશના ફતેહપુર જિલ્લામાં ખાગા નજીક મંગળવારે સવારે એક માલગાડી બીજી એક સ્થિર માલગાડી સાથે અથડાઈ ગઈ. આ ઘટનામાં લોકો પાયલોટ ઘાયલ થયો હતો. અધિકારીઓએ આ માહિતી આપી.
અધિકારીઓએ જણાવ્યું કે, ટક્કરને કારણે ગાર્ડનો કોચ અને એન્જિન પાટા પરથી ઉતરી ગયા.
તેમણે કહ્યું કે અકસ્માત સવારે 6 વાગ્યે ડેડિકેટેડ ફ્રેઇટ કોરિડોર પર થયો હતો.
પ્રયાગરાજ રેન્જના પોલીસ મહાનિરીક્ષક (આઈજી) પ્રેમ કુમાર ગૌતમે જણાવ્યું હતું કે લોકો પાયલોટ કદાચ ઊંઘી ગયો હશે, જેના કારણે આ દુર્ઘટના બની હશે.
આઈજીએ જણાવ્યું હતું કે રેલ ટ્રાફિક પુનઃસ્થાપિત કરવાનું કામ ચાલી રહ્યું છે.