MS Dhoni on IPL 2025: “વ્હીલચેર પર હોઈશ તો પણ…” IPLમાંથી નિવૃત્તિ પર ધોનીનું સ્પષ્ટ નિવેદન, CSK માટે આપ્યું મોટું સ્ટેટમેન્ટ

શું કહ્યું ધોનીએ?

જિઓ હોટસ્ટાર પર વાત કરતાં ધોનીએ એક સવાલનો જવાબ આપતાં કહ્યું કે, ‘હું ઈચ્છું ત્યાં સુધી CSK તરફથી રમી શકીશ. આ મારી ફ્રેન્ચાઈઝી છે. જો હું કદાચ વ્હિલચેર પર આવી ગયો હોઈશ તો પણ તેઓ મને મેદાનમાં લઈ આવશે.’ આટલું કહી ધોની હસવા લાગે છે. આઈપીએલ 2023 દરમિયાન ધોનીને ઘૂંટણમાં ઈજા થઈ હતી. સીઝનના અંતમાં તેણે ઘૂંટણનું ઓપરેશન કરાવવુ પડ્યું હતું. ત્યારબાદ તેણે આરામ કર્યો હતો. આઈપીએલની 17મી સીઝન 2024માં તે પરત મેદાનમાં ફર્યો હતો. 2024માં તેણે કેપ્ટનશીપ છોડી દીધી હતી અને આઠમા ક્રમે બેટિંગ કરવા ઉતર્યો હતો. તેમ છતાં ધોનીએ 220ના સ્ટ્રાઈક રેટ પર 63 બોલમાં 161 રન ફટકાર્યા હતાં.

CSKમાં નવા રેકોર્ડ સર્જાશે

આ સીઝનમાં ચેન્નાઈ સુપર કિંગ્સ તરફથી મેદાનમાં ઉતરનારો થાલા નવા રેકોર્ડ બનાવી શકે છે. ચેન્નઈ માટે સૌથી રન બનાવનારા ખેલાડીમાં ધોની માત્ર 19 રન દૂર છે. હાલ 4687 રન સાથે સુરેશ રૈના ટોચ પર છે. ઓલરાઉન્ડર રવિન્દ્ર જાડેજા આઈપીએલમાં સીએસકે માટે સૌથી વધુ વિકેટ લેનારો ખેલાડી બની શકે છે. હાલ બ્રાવોએ સીએસકે તરફથી 140 વિકેટ ઝડપનારો ટોપ બોલર છે. જાડેજા આ રેકોર્ડથી આઠ વિકેટ જ દૂર છે.