MS Dhoni Praised Vignesh Puthur: IPL ડેબ્યુમાં યુવા બોલરે મચાવી ધમાલ, ધોનીએ સૌની સામે આપી શાબાશી

ધોનીએ સૌની સામે વિગ્નેશ પુથુરની પીઠ થપથપાવી

હકીકતમાં જ્યારે ચેન્નાઈ માટે રચિન રવિન્દ્ર અને એમએસ ધોનીએ મેચ પૂરી કરી ત્યારે તેઓ બધા સાથે હાથ મિલાવી રહ્યા હતા. આ દરમિયાન વિગ્નેશ પુથુર મેદાનની વચ્ચે એમએસ ધોનીને મળે છે. ત્યારે એમએસ ધોની સૌની સામે વિગ્નેશ પુથુરને શાબાશી આપતાં તેની પીઠ થપથપાવે છે. આ ક્ષણ વિશે વાત કરતાં પૂર્વ ક્રિકેટર અને વર્તમાન કોમેન્ટેટર રવિ શાસ્ત્રીએ ઓન એર કહ્યું કે, ‘યુવા વિગ્નેશ પુથુરની એમએસ ધોનીએ પીઠ થપથપાવી. મને નથી લાગતું કે વિગ્નેશ આ વાત લાંબા સમય સુધી ભૂલી શકશે.’ અહીં એમએસ ધોની અને વિગ્નેશ વચ્ચે થોડી વાતચીત થઈ.

વિગ્નેશ પુથુરે મુંબઈને મેચમાં વાપસી કરાવી

CSKના કૅપ્ટન ઋતુરાજ ગાયકવાડ IPLમાં વિગ્નેશનો પહેલો શિકાર બન્યો. આ રીતે તેણે 67 રનની મહત્ત્વપૂર્ણ પાર્ટનરશિપ તોડી, જેના કારણે મુંબઈને મેચમાં વાપસી કરવામાં મદદ મળી. તેની આગામી બે ઓવરમાં તેણે શિવમ દુબે અને દીપક હુડાને આઉટ કરીને મુંબઈની મેચમાં વાપસી કરાવી. જોકે મુંબઈ તેનો લાભ ઉઠાવવામાં નિષ્ફળ ગયું કારણ કે તેમને બોલિંગમાં જસપ્રીત બુમરાહ અને હાર્દિક પંડ્યાની ખોટ વર્તાઈ. બુમરાહ ઈજાને કારણે અને પંડ્યા પ્રતિબંધને કારણે આ મેચમાં નહોતા રમ્યા. બીજી તરફ કૅપ્ટન સૂર્યકુમાર યાદવે પણ વિગ્નેશની પ્રશંસા કરી.